विडा घ्यावो अंबाबाई | जगत जननी माझे आई |
विनवितो दास प्रेमे | हस्त जोडोनिया आई |
विडा घ्यावो अंबाबाई ||
त्रिगुण पुगीफळ | चूर्ण केले निर्मळ |
भावार्थ कापुराने | रंगविले सोज्ज्वळ |
विडा घ्यावो अंबाबाई ||
प्रपंच पक्व पाने | हाती घेऊनि विवेकाने |
द्वैतभाव जाळूनिया | वरी लाविला चुना |
विडा घ्यावो अंबाबाई ||
भावार्थ शुभ्र कात | प्रेम लवंग त्यात |
सुवासिक सर्व द्रव्ये | मेळविली समस्त |
विडा घ्यावो अंबाबाई ||
जय जय कुलदेवते | आदिशक्ती मूळमाते |
घेउनी विडा हाती | हरी तुझ विनवितो |
विडा घ्यावो अंबाबाई ||
No comments:
Post a Comment