देवीच्या देवळात कोण ग उभी,
ओटी भरायला मी आहे उभी ||१||
आई जगदंबे दर्शन दे ग मला, मी थांबू कुठवरी ||धृ||
महाराष्ट्राची कुलस्वामिनी,
भगवा झेंडा फडकेवरी ||२||
आई जगदंबे दर्शन दे ग मला, मी थांबू कुठवरी ||धृ||
पिवळे पातळ, हिरवी चोळी,
खणा नाराळाने ओटी भरी ||३||
आई जगदंबे दर्शन दे ग मला, मी थांबू कुठवरी ||धृ||
एका जनार्दनी पूर्ण कृपेने
दैत्य मारिले, भक्त रक्षिले ||४||
आई जगदंबे दर्शन दे ग मला, मी थांबू कुठवरी ||धृ||
No comments:
Post a Comment