दे बाई दे जोगवा दे

 

दे बाई दे जोगवा दे आई अंबेचा जोगवा दे ग आता, जोगवा दे ||धृ||

मंगळवारी, शुक्रवारी नाही सारविले घर,

आई अंबाबाई एवढा गुन्हा माफ कर,

आता जोगवा दे ||१||

आई अंबाबाई तुझ्या कानामध्ये झुबा,

तुझ्या दर्शनाला राजा कोल्हापूरचा उभा,

आता जोगवा दे ||२||

आई अंबाबाई तुझ्या नाकामध्ये नथ,

तुझ्या नथी आहे हिरा नवलाख,

आता जोगवा दे ||३||

आई अंबाबाई तुझ्या गळ्यामध्ये सरी,

नवखंडा मध्ये तुझी हरविली दोरी,

आता जोगवा दे ||४||

आई अंबाबाई तुझी हिरवी हिरवी साडी,

भंडारा उधळीत पिवळी पिवळी झाली,

आता जोगवा दे ||५||

एकाजनार्दनी आई तू अंबा माता,

भक्तांना पावतेस तू जगदंबा,

आता जोगवा दे ||५||